PDF, 2 pp. (Entire Section) Download & Print

Ika a wor e repoteni pwe ew famini a osukosuka naur are tumunungaw ngeni nour iwe epwe ne wor police ika chon angangen ofesin semirit epwe eto churi ewe famini.

A wor ruanu napanap a nom fan tetenin tipis ngeni semirit:

1. Efeiengawa inisin semirit: Afeiengawa emon semirit ren awata, faati, siipani, keni, uchuuchuki me pwan ekkoch sakun napanapen efeiengaw.
2. Tumunungaw: Nikitano emon semirit non an a chok akanemon; ese tumunu ngeni
   pekin safei, ese tumunu ngeni an pekin kaeo me ekkoch sokkun tumunungaw.
3. Achomanau: Sakopaten napanap ese pung a fis nefinen emon mei muk me emon semirit mei kukun ierin seni 16 a nom non tetenin tipis watte.
4. Osukosuk: Sou pupucheer ngeni semirit, amangawa, nanapat, oteki me pwan ekkoch.

Chommong famini ese pwa ar fori ekkewe napanap mei ngaw ngeni nour nge nupwen epwe wor chon ewe ofesin tumunun nonomun semirit (CWS) repwe churir iwe repwe auseningoch met ra apasa ngenir pwan tumunu fichi met toropwe ra ngenir. Ika emon ese weweiti met popun ar churi are wato sakopaten toropwe ngeni, iwe a tongeni tungor ngeni ewe social worker epwe awora emon chon afoow are awewe an fos. Ese fakkun mumuta emon semirit epwe chon afoow. Kosap tongeni saini echo toropwe ika kose weweiti masowan. Mei namot kopwe tipepos pwan aneasochis.

Non ekkoch fansoun epwe ne wor chufengen (ohana) nefinen ewe famini me ekkoch aramas merit ar repwe ekieki met sakun napanap epwe fis an epwe tumun ewe semirit pwan awora aninis ngeni ewe famini. Non ekkei sakun mwich ra tongeni apungano pwe ewe semirit esap chuen nom ren pukutan seman me inan nge epwe nom ren emon chon ewe eterenges ika chiechien ewe famini.

Ika pwe chon ewe ofes (CWS) ra nuku pwe ekkewe semirit rese tongeni repwe namotiw non imwer we, iwe repwe ne anomur ren aramser, ren ekkoch famini (foster home) ika non ekkewe neni rekan anomu ekkewe sakkun semirit mei wor ar oskukosuk me non ar famini (emergency shelter). Ika a fis ei napanap, ewe famini a tongeni tungor ngeni emon mei merit ika meinapen ewe sop ra nom ie ika fen kutta emon sou annuk pwe epwe aninis an epwe wor weweoch nefinen ewe famini me ewe ofesin semirit. Kapung a pwan tongeni angenong non ewe fitikoko ren an epwe finata epwe ne ifa nonomun ewe semirit.

Ofesin Nonomun Semirit a tongeni anisi pwan aiti famini ar repwe tongeni atawei ar osukosuk me pwan aitir napanapen emmirit ngeni nour. Ewe ofes apwan tongeni anisi famini ren ekkoch pekin aninis non imw me non ekkewe ekoch ofes.

Ren saposapun om kopwe sinei ka tongeni tungor noum ewe puk itan “Guide to Child Welfare Services” seni chon angang non ewe offes.