Kakien ko ilo Hawaii
Jet kein kakien jen kejbaroki. Kirlok mōn policeman elañe ewōr en kwoj lo ej rubrub kakien, kōmman bwe joj en bed ilo aenōmman im jelok jorrān ej walok.
PDF, 3 pp. (Entire Section) Download & Print 
JAB JOLOK KOBEJ
Aurōk bwe jen kejbarok melan im drebij an aibojoj, en erreo beach ko, park ko, im belaakid. Ejjolok kobej (pepa, plastic, bato, kuwat, kabilo, jikka, etc.) jabdrewōt jikin ej melele in,“littering.”
JAB IDRAK DREN IN KADRŌK ILO MELAAJ
Jabdrewōt eo ej idrak dren in kadrōk ilo melaaj (nabōjen mweo, ilo park/beach/ial/iloan wa), policeman naj bōke im kalbuuji.
EJJAB MELIM AN RO 20 YIŌ IM DRIKLOK IDRAK DREN IN KADRŌK
Policeman naj bōk ro 20 yiō drettā ir im driklok ñan kalbuuj jen aer idrak dren in kadrōk. Ro rej lelok dren in kadrōk ñan ajiri rein ba kake naj bōk ñan kalbuuj.
EJJAB MELIM AN JABDREWŌT ITO-ITAK MELAAJ KIN WEAPON
Jabdrewōt eo ej ito-itak melaaj ak iloan wa ko kin kein kakurre im men ko rekauotata (weapon) einwōt bakbōk ak bu naj bōk nan kalbuuj.
JAB EBBŌK, KŌJERBAL, AK WIA KIN DRUG KO RŌ-KAJUR
Policeman naj bōk im kalbuuji ro ewōr drug ko rō-kajur (marijuana, crystal, methamphetamine, ak cocaine) ibbeir ak rej kōjerbali im wia kaki. Ro ewōr aer problem in drug, rejañ bwe komin bukwōt jibañ.
EJJAB MELIM WIA KIN TOBACCO ÑAN AJIRI
Bōk tobacco ak kōbatat im second hand smoke rej kakkure ejmour im kōmman problem ilo menono im cancer. Wia kake tobacco ñan ajiri (ro 17 yiō drettā ir im driklok ) ejjab melim ekkar ñan kakien.
AWA IN KIKI/KA-KWON AJIRI RO
Ajiri ro 16 yiō drettā ir im drik lok jab aikuj make ia-ir melaaj jen 10:00 jota - 4:00 awa jibboñ. Policeman naj bōk ir elañe rej make ia-ir im ito-itak.
AJIRI RO AIKUJ IN BED ILO JIKUUL (TRUANCY)
Aolep ajiri im teenage (jen 5 yiō - 18 yiō) aikuj in bed ilo school. Ro ejjelok melim in aer jako jen jikuul rej rubrub kakien eo naetan “truancy”. Ajiri eo koba lok jinen im jemen naj bōk ñan mōn policeman im wōr katak school eo im Family Court naj lilok itok jen truancy. Aurōk bwe jen kōjelāik school ko kin an ajiri ro jako jen school. Bareinwōt konono ibben ri-kaki eo an ajiri eo aolep ien kin wewein an katak.
JAB DROD AJIRI RO LOKWAN PICK-UP TRUCK
Ajiri ro 12 aer yiō im drik lok rejjab aikuj in bed lokwan pick-up truck ko, ijo ke ñan emergency wōt.