PDF, 10 pp. (Entire Section) Download & Print

ILO IEN KIKI IM IEN RUJ

Aikuj in lōñ lok an ro redrik awa in kiki jen teenage ro. Ekkā an einwōt in:

• Ajiri ro 4 yiō lal lok aikuj kiki iuwmin 10-12 awa juōn boñ.
• Ajiri ro emōj aer jino school aikuj kiki 9-10 awa juōn boñ.
• Teenage aikuj 8-9 awa in kiki kajjojo boñ.

Ewōr jinen im jemen ri-school rej lo an emman im mōkajlok ñe rej kebooj ro nejier ñan school ilo aer kebooj nuknuk im backpack ko aer ilo boñ mokta jen raan eo juōn.

ILO SCHOOL

Aolep ajiri meñe ewōr aer mōjno (disability) im ejjelok jikin aer jokwe, aikuj bed ilo school ekkar ñan kakien. Kakien in ej ba aolep ajiri rejjab aikuj in jako jen jikuul. Aolep jikin ion Hawaii ewōr mōn school ie.

Kadreloñ ajiri ro ilo school ien eo emōkaj tata. Aikuj wōr:

• Pepa in kamol lotak (Birth Certificate)
• Kamol kin Jikin Jokwe (Proof in Address)
• Pepa in wā, TB, im physical exam (ak yellow card im Student Health Record Form 14) (Lale Resources in Hawaii section ikkijen jikin lo taktō ko rebaak)
• Legal Document einwōt guardianship pepa, temporary restraining order (TROs), custody pepa, ak pepa in divorce, etc.

Bōk melele ibben ri-kaki eo an ajiri eo kin wewein an bed im ekkatōk. Ekkā an jinen im jemen ajiri ro kwelok ibben ri-kaki eo ruo alen iloan juōn yiō in school. Kememej bwe eaurōk bwe kwon jutak likin ajiri eo nejum im bukwōt jibañ.

Ilo ien kōnono ibben ri-kaki eo, ewōr ri-ukok nan jibañ. Ewōr am melim ak jimwe in kebak school ko, lolorjake ri-ukok kajin Majōl. Jab kōjerbal ajiri bwe ren ukok.

KEJBAROK ULIEJ JEN AN KIJKIJ

Elañe ekijkij uliej ko an ajiri ro innem rejjamin school. Einwōt bug, rej bed ilo uliej ko im jerom bōtōktōk. Rej bareinwōt kōlotak tōl ko rej bin im edreb ilo kolan uliej ko.

Ñan jolok kij jen uliej kōjerbal uno kein: Nix, Rid, ak binep ko kōmman jen waini, kōjerbal bareinwot Listerine ibben Shampoo (lale Appendix A). JAB KōJERBAL BITTÛK (SPRAY) IN MANMAN LOÑ AK KEROSENE ÑAN MANMAN KIJ. Emman lok kuum i tōl jen kol en uliej in ajiri eo aolep ran. .

Aolep mweiuk mweo aikuj kwalkwol im erreo ilo ejja ien eo kwoj ejjolok kij jen uliej in ajiri eo.

Karreoik mweo kab aolep kein kiki, towel in kōmrā, im kuum ko. Kōjerbal vacuum im karreoik mweo im jea ko ie.

Men ko kwojjab maroñ kwali, einwōt pet (in kiki) im dolle (in ikkure), maroñ kōmrāik ilo dryer im likit ilo HIGH (bwe ren bwil) iumwin 20 minute. Mweiuk ko jet rejjab maroñ bed iloan dryer, maroñ kōjeje (drodi iloan plastic bag) iumwin 3 lok - 4 raan.

BOJAK TOK NAN SCHOOL

Ajiri ro aikuj bojak jen mōko mokta jen aer itok in school. Ajiri ro ewōr konaer imōko mweir rejelã kadredre ta ejimwe im ta eo ebwōd, bwe ilo mweo rej mōñā ibben dron, roñjake ir, ilo mweo e-kalemōnōnō, wewein kein rej kōmman an biddodo aer ekkatōk ilo school.

Jinen im Jemen ajiri ro aikuj in kebooj kein jikuul ko aer. Kebaak ri-kaki ro kin kein jikuul ko jet naj aikuji. (Lale Resources in Hawaii section kin kein jikuul ko ejjelok wōneir). Aikuj bojak an ajiri ro kein jikuul elap tata ran in school ko imaantata.

Elañe ajiri eo e-nañinmij ak utamwe im jamin bed ilo school. kōjelikā office eo. Elane ej rumij, jinen ak jemen aikuj in etal ibben lok ñan office eo in bōk pass in rumij. Elañe ej jako jen school kin ejjelok unin, melele in bwe ej “truant” im ej rubrub kakien.

Aolep ajiri aikuj in ekkōnak juuj ak zori. Juōn wewein kejbarok jen an jorrān ne ir.

PROGRAM KO ELIKIN IEN SCHOOL

Elōñ program elikin ien school ilo kajjojo jikin ñan jibañ ajiri ro elap tata bwe en tōbrak kōttōbar ko aer ilo jelālokjen. Jet jikin ejjelok wōnen ak jet ewōr.

Aolep school an kien (public) ewōr A+ program ñan an ajiri ro bed ilo ien an jineir im jemeir jerbal. Wōnen an ajiri ro bed ilo A+ program in ej kōmman ekkar ñan joñan jāān (income) an family eo.

Ebar wōr program in tutoring ak jibañ ajiri ko kin katak ko aer im sport ak ikkure ko. Kebake school eo ñe ewōr am itok limo kaki.

ELIKIN SCHOOL AJIRI EO EJ ROL NAN MWEO

Jinen im Jemen ri-school ro aikuj jibañ kōkajur kin katak ko aer:

• Kōmman bwe ren niknik ekatak imweo, kōjenolok juōn jikin katak.
• Etale bwe en dredrelok homework ko im bojak kin katak ko mokta jen jeblak in school.
• Etale note ak kojjelā ko jen school aolep ien.
• Bwebwenato ak konono ibben/eoroñ ennan in an school.
• Kōmman ien alooj TV, ikkure Video game, im computer game.
• Rejañ ñan read. Elōñ book ejjelok wōnen ilo public library ko ñan borrow.
• Jelā kajjen ro mōttan ajiri eo nejum. Juōn wewein kejbarok ajiri jen an kōmmani men ko rejjab ekkar, einwōt konono riab, koot, koba lok ibben gang, kadrōk im kōjerbal drug, etc.

KŌJJEMOJ JERBAL KO MWEO

Katakin ajiri jidrik ro kin bōk eddo in jerbal mweo innem renaj jelā karejar. Ilo ad katakin ir wewein kein, naj kōmman bwe kōttōbar ko aer ilo school naj tōbrak. Kajjojo uan family, (bubu im jimma, mama im baba, ajiri ro) rō-maroñ kajjo kwonaer mweo. Juōn ej keboj table in mōñã eo, eo juōn ej karreo elikin mōñā, juōn ej kwalkwol kōnno, jolok kobej, kwalkwol nuknuk, karreoik mweo im belakin ijo naboj, etc.

IEN KIKI

Elap lok an emman an ajiri ro kōmman ñe ien ko aer rej set ilo regular schedule.

Kajjojo boñ mokta jen kiki ñe ej wōr makitkit ko rej loori - bûraje ñi ir, kōmman aer nuknuk in kiki, ewōr ritto ej read ak inoñ, juōn wōt awa in an aolep ri-mweo jimor kiki -naj kanuij in jibañ ajiri ro nejid jelā kwonair ak ta ren kōmmane kajojo boñ/ien.

Ien eo emman in ñan ebakelok ro nejid, ilo ad bwebwenato ibbeir im eoroñ ennan in aer makitkit. Jej maroñ jitdram, ak konono kin manit, im ko jet bwe ren jelâ kaki ak ekkatak jen kij kaki.